Fiovana (Samaritanina)
Mbola tsisy niantsa
(Nalaina tao amin'ny vetso.serasera.org)
Raha ny tiana sy lalaina Dia ho tsara izay atao
Amin’ny fiainana rehetra.
Fa ny zavamisy maro
Izay misakana tsy miala
Tsy maha-to ny tarigetra.
Mila anao matanja-tsaina
Tsy mikemo na milofika
Fa mitraka sy mijoro.
Ny hakiviana atsaharo
Hatsarao ny efa miorina
Tsy hianjera, tsy mikoro.
Raha ny tiana sy lalaina
Na eo ny zavamisy maro
Mila anao matanja-tsaina
Fa ny hakiviana atsaharo.
Samaritanina
28 – 02 - 2016
--------
Rohy:
Sokajy :
Fampaherezana
