Fonja hafa (Yono)

Fonjako ilay fonao mitempo
Manala ireo ahiahy sy ireo sento
Manala ny hatezerako, mahatonga ahy hivetso
Fonjan'ilay foko, fonjam-pifaliana ho ahy

Fonja satria fefy tsy azoko ihoarana
Toerana manitsy toa toeram-pianarana
Mampianatra ahy ny aminao
Ny tsara sy ny kanto
Manome ahy fiainam-baovao
Toa miavaka, toa ranto

Nefa fonja hafa, tsy toy ireo misy
Toa fonjam-piadanana, manala ny indrisy
Toa fonjam-pifaliana, toa tsiky lalandava
Toa fonjam-pitiavana, tsy hisy hahavita handrava

Amiko,
Dia izay ilay fonao
Fitoeran'ny fitiavako
Volamena firavako
Mamiko,
Ireo topi-masonao
Tsy sanatria izany anganoko
Fa tiako loatra ianao.
--------