« DADA SY NENY » (A.N.T.L)

Nantsain'i
(Nalaina tao amin'ny vetso.serasera.org)
« DADA SY NENY »

Tamin’ny mbola kely raha vao nianatra niteny
Dia ny hay voalohany dia nibada DADA sy NENY
Izy ireo no nitaiza hatrany, nitrotro sy nibaby
Hany tokana mpampitsiky ahy , rehefa marary aho na manavy

Niteny izy tsy mba nohenoiko akory
Noraisina ho tsy fitiavana fa manorisory
Fa dia nitaiza hatrany, nanoro sy nanitsy
Ahatonga ahy olom-banona, handeha amin'ny làlana mahitsy

Fa fitiavana hafa mihitsy raha ny an’i DADA
Na dia hoe mibedy lava sy mivazavaza
Ilay mpanao antsangory sy tia manolokolo
Dada mahafinaritra, masiaka be ronono

Fa raha ny an’i neny dia hita tena miavaka
Mpikarakara tokantrano , sady tia mivavaka
Izy no nitrotro sady nampinono
Ilay fitiavan-dReny tsy misy mahasolo

Ka eto am-paranana dia indro izaho milaza
Dia misaotra betsaka an’i neny sy dada
Nanome torohevitra, niteny sy nananatra
Ahatonga anay modely, ahatonga anay fitaratra

Jesoa ! mba tahio ilay DADA tiako, omeo fahasalamana
Dia ny ditrako izay vitako hatrizay ho soloiko fanajana
Ka Ianao re no hitsinjo, dia Ianao koa no hijery
Dia omeo fahasalamana feno hatramin’i NENY


Mpanoratra : Andriatiana Tsanta Niaina Luc

Hafatra ho ahy sy ho anao :
_ izany rehetra izany dia fitiavana avokoa
_ nomeny antsika zanany ahatonga antsika ho soa
_ dia hajao hatrany ny ray aman - dreny
_ satria raha tsy eo intsony izy iza indray no afaka hiteny
--------
Rohy:
Sokajy : Fianakaviana
1993 2
Hametraka hevitra
Midira aloha
Momba ny tononkalo
Mpanoratra : A.N.T.L
Nampiditra : A.T.N.L
Daty : 15/04/2019 08:16
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0489