Izao ny hafany hono hoe… (Aingankalo)

Mbola ho adinony hono ianao hoe, indray andro any ...
Ireo ranomasony hono hoe mbola ho maina eny ihany ...
Ireo tsiky natakalonao tomany mbola himpody arivo indray ..
Eny!!!!...ampahafantaro azy, mbola ho sitrana izy hoe...

Fa notiaviny hono ianao hoe, tamin’ny fony mantolo...
Ny mamy teny anaminy hono, efa nomeny anao daholo…
Fa ny aminao rehetra, tsy hiverenany intsony… efa nafoiny,
Eny!!!!! … izy hono tsy hitodi-doha ho anao intsony…

Ny fara hafany hono hoe, ... Veloma mandrampihaona…
Misaotra anao nandratra hono... tsy hanenena izay vita…
Rehefa indray andro any, raha hifanojo indray ny lalantsika…
Dia aza mijanona akory… ataovy toy ny tsy hita…

09/03/2024 - 19/07/2024
--------