izao angamba no fotoana f - al'fy

izao angamba no fotoana farany
ahafahana mirotsy ny andro nolalovana
ny tangoron-tsento, izay mety hararany
tondra-dranon' hirifiry, porofom-pahalovana
niainana hatrizay.

asaina ho avy eto aloha ny lasa
hanati-dranomaso am'zato fandehanako
ampandalovana eto ny zava-nokinasa
hany dindo  sarobidy ho an'reo taranako
sisa mba tsy may...!

izao angamba no ora aro-tsiro
andaozan'ny fanahy ity lakana nindraminy
efa valaka ny nofo, eny maty jiro
sasa-miandry azy ny vovoky ny taniny
akora nanambarana!

asandratra eto ho hany fiarahabana
ny fanaovam-beloman' izao tontolo izao
eto, hamiratra ho hazavana
ny dimbin'ny lasa vita ka nahalao...
ho feno fahasambarana!

Hevitra mandeha

raims randriamalala (03/06/2019 12:34:32)

tangorin-tsento

hery (03/06/2019 20:56:44)

Tsy misy tsipi-panohizana "-" angaha ny vatanditeran'i al'fy ? :-)

ikalamako (05/06/2019 09:46:52)

maro mihitsy ny tsy manana tsipi-panohizana ato fa tsy i Al'Fy irery
:P

al'fy (21/08/2019 05:20:53)

misaotra tamin'ny fanitsiana! ao fa ezahana ny hanao ny tsara kokoa e! mankasitraka

ikalamako (21/08/2019 18:01:29)

gravy koa fa nandalo nisaotra i Al'fy fa tsy nanitsy akory an...... tsssss

Mombamomba

Mpanoratra : al'fy

Nampiditra : al'fy
Daty : 31/05/2019
Mpamangy : 540
Mankafy : 0

Tononkalo hafa

Fermer Hasinavalona Ftsn
FY MIHAR ITRA KIADY Fy
Tsy mety fantany ilay van
"Tadidiny ihany..." Nata
"Indray fahavaratra..."
SATRIA... Satria misy sa
MBA
eny
Fara vavaka
"FANAZARANA NY FO"