HONO HOY AHO RY OLONA IRAIKA INY - Rasamindrakotroka Andry Tiana

Azo vakiana?

HONO HOY AHO RY OLONA IRAIKA INY

Hono hoy aho ry olona iraika iny,
Inona indray ary ity fihetsikao ?
Ohatra ny taloha ny ankehitriny ;
Tsy miova mihitsy ny tonta ho vao.

Hono hoy aho ry olona iraika iny ;
Misy ny fotoana, mety mifamaly.
Mahavariana fa ny niseho fahiny,
No indro miverina ohatra ny omaly.

Hono hoy aho ry olona iraika iny,
Voahevitra tsara ve ny teny avoaka ?
Madio ve ny saina, sa tsy misy tsiny ?
Satria avy eo dia  iny lasa mitsoaka.

Hono hoy aho ry olona iraika iny,
Mora mitrifana tsy hita hoe ahoana.
Natao hoe niova hay namaky siny ;
Maherihery fiteny sy minaonaona.

Hono hoy aho ry olona iraika iny,
Sarotra resahana fa mahatoky tena.
Ny anio tsy ohatra ny niseho fahiny ;
Raha midaboka eo dia tena ho lena.

Hono hoy aho ry olona iraika iny,
Miserana anie ny fiainana an-tany !
Satria ny rehetra anie dia mpivahiny ;
Veloma eo izay tsy mahalala izany !

RASAMINDRAKOTROKA Andry Tiana
16 Marsa 2019

Hametraka hevitra

Midira aloha

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 15/03/2019
Mpamangy : 498
Mankafy : 5

Tononkalo hafa

EMBONA AN’I DADA
TSIARO AN'I NENY
MIEZAHA AMIN'NY HERIN'NY TENA
ILAY MBA FAHAIZANA KELY
ANDROM-PAHANTERANA
NY RAY SY NY RENY
HIHIRA AHO HO ANAO
NY FIAINANA FANETREN-TENA
NY FIAINANA ETO AN-TANY
NY ASA FAMPIANARANA