You are here: home > Vetso

MISAOTRA ANAO RY TOMPO ! - Rasamindrakotroka Andry Tiana

MISAOTRA ANAO RY TOMPO !

Raha vao  mifoha iny, isaky ny  maraina,
Mahita ny  tana-masoandro   miposaka ;
Manavatsava,   amin'izato  fahasahiana,
Ao amin'ny efitry ny trano, izay natoriana.
Mivimbina ny arahaba, entina ho zaraina ;
Mitondra  herijika  maro  lafy, ho atosaka.

Ny singa voalohany, tonga  ao an-tsaina,
Dia  ny  mitsaoka,  an'ilay Jesoa Tompo ;
Niahy sy  nitahy,  nandritra  iny alina iny,
Amin'ny loza maro be, fahita  ankehitriny.
Ka mbola nofohaziny, isan'ny velon'aina,
Eo anivon'ny natiora, anisan'ny hanompo.

Ny dera, laza, hery, haja anie, no  atolotra,
Ho  an'ilay Andriamanitra,  telo  izay  iray ;
Noho  ny fitiavany  lehibe, tsy  misy fetra,
Izay  nozarainy mitovy, ho  an'ny  rehetra.
Miampy sitraka feno, mivoaka ny molotra ;
Ho Azy, anio, ampitso ary ho mandrakizay.

Ka ho arahana, ho hajaina anie ny didy folo ;
Sy  ny fitiavana namana, toy  ny tena ihany.
Halavitana marindrano, ny manao kolikoly,
Sy  ireo fandrika maro be, velarin'ny devoly.
Dia ny tsara ihany, no  hameno ny tontolo ;
Eo  ambany fitahian'i, Jesoa Kristy hatrany.

RAS AMINDRAKOTROKA Andry Tiana
07 Jona 2019

Sokajy : fiainana, Fiderana, Vavaka

Hevitra mandeha

s19andry5851 (13/06/2019 11:43:50)

Mila misaotra mandrakariva anw'i Jesoa Kristy Tompo isika mandritra ny androm-piainan-tsika, noho ny fitiavany, ny fitahiany, ary ny fiarovany tsy manam-pahataperana !

s19andry5851 (20/06/2019 11:54:48)

Mila misaotra an'Andriamanitra, ny Tompo mandrakariva isika, raha mbola navelany hanohy ny dia, ... Misy ho saintsainan'ny rehetra, hoe "DIA HATRAIZA" ......

s19andry5851 (15/07/2019 03:56:15)

AZA HADINO ny manindry ny "ANKAFIZIKO" raha tianao !
Misaotra Tompoko !

Hametraka hevitra

Midira aloha