RAHA MBOLA MISY KOA - Rasamindrakotroka Andry Tiana

RAHA MBOLA MISY KOA

Raha mbola misy koa ny saina mieritreritra,
Handinika lalina, tsy ilana adihevitra.
Hanova  ireo zava-dratsy mitranga,
Ka tsy hisy tomika na hoe koa antsanga!

Raha mbola misy koa, fo mitepo isanandro,
Tsy hisalasala hizara tana-masoandro.
Ho tretrika, sambatra ireo tsivakivolo,
Hitotorebika, fa tsara sy meva ny tontolo.

Raha mbola misy koa ny tany sy ny lanitra;
Ka mivonona hanaiky ny Tompo Andriamanitra.
Inoana fa ho sambatra ary hifalihavanja;
Tsy hifamitaka, na hanao adiantsanga.

Raha mbola misy koa, inoako hisy foana.
Ny fiezahana, ny fikirizana ho zaraina etoana;
Dia ho sambatra sy tretrika ny olona rehetra
Hankalaza nyTompo, ary ho aina no fetra.

RASAMINDRAKOTROKA Andry Tiana
18 Jona 2016

Hevitra mandeha

s19andry5851 (04/06/2017 08:10:54)

Ankafizo dia zarazarao raha tianao !

Mombamomba

Mpanoratra : Rasamindrakotroka Andry Tiana

Nampiditra : s19andry5851
Daty : 18/06/2016
Mpamangy : 1078
Mankafy : 4

Tononkalo hafa

FITOPOLO TAONA ANDROANY
ZOKY SY ZANDRY
DADABE SY NENIBE
HOY IANAO
MILA TONGA SAINA!
MANINONA HOY AHO?
NY RARINY SY NY HITSINY
EMBONA AN’I DADA
TSIARO AN'I NENY
MIEZAHA AMIN'NY HERIN'NY TENA