SOA LAVO HAHAY MAMINDRA! (Rasamindrakotroka Andry Tiana)

Soa lavo hahay mamindra;
Soa kenda hahay mitsako.
Soa korontana hahay mandrindra;
Soa mangina hahay manako.

Soa mahantra hahay mitsitsy ;
Soa manana hahay manampy.
Soa mototra hahay mitsiky;
Soa latsaka hahay miantsampy.

Soa dondrona hahay mianatra;
Soa miboredika hahay miteny.
Soa maditra hahay mananatra;
Soa mahery hahay malemy.

Soa lavo hahay mamindra;
Soa kenda hahay mitsako.
Soa korontana hahay mandrindra;
Soa mangina hahay manako.

Soa mahantra hahay mitsitsy ;
Soa manana hahay manampy.
Soa mototra hahay mitsiky;
Soa latsaka hahay miantsampy.

Soa dondrona hahay mianatra;
Soa miboredika hahay miteny.
Soa maditra hahay mananatra;
Soa mahery hahay malemy.

Soa dondrona hahay mianatra;
Soa miboredika hahay miteny.
Soa maditra hahay mananatra;
Soa mahery hahay malemy.

Lesom-piainana daholo izany;
Lesom-piainana manitsy anao.
Lesom-piainana lalàn’ny tany;
Lesom-piainana ka mba araho.

Lesom-piainana tsy fanadino;
Lesom-piainana manabe.
Lesom-piainana, aleo mba mino;
Lesom-piainana ka maneke.

RASAMINDRAKOTROKA Andry Tiana
28 May 2017
--------