Loko volomborona (Andy Rebabe)
(Nalaina tao amin'ny vetso.serasera.org)
Mena volomborona,fitia tsy lefy hery
matanjaka fijery
sahy misetra sorona…
Mavo volomborona ,
ilay hafaliana miavaka
hazava-mandravaka
tontolo tsara orina…
Manga volomborona
dia faravodilanitra
sy tosaky ny hanitra
madio manara-morona…
Mainty volomborona,
fisaonana sy marika
saranga nifangarika
firaisana nandrorona…
Loko volomborona,
talenta mahaforona
sorakanto maro,
soraty dia…itaro !
Andy Rebabe /22 avrily 2014/3ora 53 mn
--------
Rohy:
