You are here: home > Vetso

Zaramira hoe ? - Andy Rebabe

Azo vakiana?

ZARAMIRA HOE ?

Etsy an-kodimirana,

toloko lavarenin'ny tsy manana atokona
ka ny lalankaniny mikitrana mivonkona
midinitra sahirana...
mitankizin-dava ny anjaramasoandrony
fisitrihan-dava ny fiainam-bandrony

Satria minia jamba ireo madiolamba
natao hamaha ny olana...
...ka toa misolantsolana
raha mba miteny kely
milaza ny adim-piainany
sy ny fitarainany
ireo farafahantrana.

Kanefa hery inona
sy vintana ohatrinona
no entina mitroatra ?
ny kibo foana fisaka ,
ny tena mifitroakan'
ny angoantenda noana ?

Nono zara hoditra
sy tratra mahakoditra
tsihifinjaza taolana
hitsipaka aina sisa
alin-disadisa...

Etsy ambony, mirana
migoka tsy hay fefena ny zanaky ny mpanana
rotsian'ny fofomanitry ny anjara fiadanana
mamiratra mangirana...

...

samy menavava mitady safosafo,
fa tsy mitovy vava,mitohoka sakafo...
dray !

andy rebabe-20 jona 2013

Sokajy : Fiaraha-monina

Mombamomba

Mpanoratra : Andy Rebabe


Nampiditra : 100tinl
Daty : 21/06/2013
Mpamangy : 755
Mankafy : 0

Tononkalo hafa

Loko volomborona
Fatim-piaran'ialahy
FA INONA NY SORAKANTO ?