ADY FA TSY SENTO (AORN)

Raha mbola misy ihany
masoandro zay miposaka
avy atsinanana any...
Toneo aloha ny fo
dia atrakao ny loha
Fafao ny ranomaso
Na betsaka ny ankaso
Tsy maintsy hamiratra eo
Lay andronao manjombona
Nampisy ny toreo...
Ka maso vao indray
Sy saina mbola vonona
no aoka iainananao
fa tsy hoe ho faraidiny
Hitelina ny ngidin'ny
fiainana eto an-tany
no iainanao androany,
fa fombany ihany izany...
fa mainka ianao voasedra
Na misy gejageja
D'ireny no hany zezika
zay mampitsiry indray
hahatonga anao hiezaka
Hiharitra mahamay...
fa mbola hafa mihitsy
Ny olona nandalo
zay fitsapana marina
satria mahay mandalina
zay zavatra miseho
Ka sahy mampiaka-peo...
satria ny fiainana eto
dia ady fa tsy sento

AORN
09 APRILY 2024
--------