ALIN-DRATSY (AORN)

Alina toa maizin-kitroka
Ibitahan’ny mpamely fantsy
Andadizan’ikely mavitrika
Fiveloman’ireo olon-dratsy

Alina tsisy mangirana
Filalaovan’ny kary amy tompony
Alina toa manahirana
Vakisehatra hatrany amy fotony

Alina mampiahiahy
Tontakely no manjakazaka
Fivoahan’ireo jiolahy
Izy ireo no efa tompon’ny laka

Alina toa mampitahotra
Fa ny avelo manapatra ny heriny
Ny tena no toa vahobahotra
Manoloana an’ity misteriny

AORN
01 Novambra 2008
--------