AVIA RY JESOA MANOLOANA! (AORN)

Ravoravo ny fanahiko
velom-bolo ny tontoloko
rehefa Ianao no ato anatiko
Ray malala sady tokiko
Ka ny adin-tsaiko lalina
Miampy ny ahiahim-poko
tsy mampandry ahy andro sy alina
noho ny sento sy toloko
rehefa Ianao mandray an-tanana
iza moa no mahasakana?
Rehefa ianao mialoha ny lalana
sesehena ny hasoavana
Ka dia satriko eto foana
Na mandavana ny taona
Avia ry Jesoa manoloana!

AORN
27 AOGOSITRA 2021
--------