DOL'AJ tena namana (AORN)

Ho fahatsiarovana an'i Dol'Aj, izay niaraha-niasa vao tsy ela


Nanavatsava lalina
T’amparahatoka any
Ireo asa soratrao
Miventy zava-maro…
Miantsa sy mianoka
ity fiainana mandalo
Ka na ny fasana aza
Lazaina fahavalo, dia
Tsy afaky ny hisitraka
Lay kantonao voakalo
Ny vatanao no lasa
Ekena tsy azo lavina
Atao ahoana moa
F’Izay no fandaharana
Tsy azonay sakanana
Fa ny asa peninao
Ho antsaina sy ho tafain’
Ireto izay nilaozanao
Ny ekipan’ny Havatsa,
Ny Poeta samy hafa
Sy ireo nahita mamy
Taminao tety an-tany…
Dia handry am-piadanana
Dol’Aj “tena namana”


AORN
17 SEPTAMBRA 2025
--------