FANDROSOANA NOFINOFY (AORN)

Mbola tsisy niantsa

Hangataka antsa
(Nalaina tao amin'ny vetso.serasera.org)
Mbola handroso ve isika
Raha mitombo tsy an-kijanona
Ny elanelan-kadin’ny
mahantra sy ny manana?
Fa ny ankamaroan’ny olona
Dia miady sy mitolona
Misondrotr’ isan’andro
ny sakafo atao fahandro
Ny kapoakam-bary indray
Miaka-bidy mahamay
Indray mahandro ny maraina,
d’efa mionona ny saina

Mbola handroso ve isika
Raha tsy miafina intsony
Reo jiolahy miray an-tendro
amin’ny olona ambony?
Fa iniana korontanina
Sy avela ho fanimpanina
Ny sain’ireo vahoaka
zay matahotra hitroatra
Na an-tsaha na an-tanàna
Dia atao zay tsy hahatamàna
Ahazoana maka tany
misy harena tsy hita lany

Mbola handroso ve isika
Raha aseho miharihary
Fa tsy ho an’ny mpanambola
‘zany miditra hopitaly?
Ka raha mila vonjy aina
Tsisy ininona antenaina
Amy reto zay voalaza
fa mpitsabo fanta-daza
Fa ny vola no miteny
Raha tsy misy dia manjeny
Ka ny aza voany ihany
fa tsy misy mpanontany

AORN
07 MARTSA 2022
--------
Rohy:
Sokajy : Fiaraha-monina
107 1
Mpakafy: rina15
Hametraka hevitra
Midira aloha
Momba ny tononkalo
Mpanoratra : AORN
Nampiditra : rina15
Daty : 04/04/2024 14:26
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0148