FANTATRY NY RAY (AORN)

Talanjona ny saiko
Mandinika misesy
Ireto zava-boahary
Fa raha ny hita maso
dia mampitolagaga
Ny asanao Mpahary

Fa mainka moa ny tsy hita
tsy takatry ny jery
Ny akaiky sy ny lavitra
Dia misy tena misy
Ny anton'ny fisiany
FA saingy tsy hita faritra

Raha mbola izao tontolo
no andramana refesina
tsy ho takatry ny saina
Ny eo am-pelatanana
zay azonao tsapaina
Toa mampisavolaina

Ny hany lalan-tokana
Sitrahana maharitra
Ny voary izay nomena
Fa fantatry ny Ray
Ny mety ho mari-drefy
Sy mahasoa ny tena

AORN
12 FEVRIER 2025
--------