FITIAVAN-DRENY (AORN)

Misy reny sahy miafy
mampandefitra ny zony
fa manandratra ho ambony
zato ho avin'ny taranany

Misy reny sahy mijoro
mampangiana ny ambom-pony
ka miezaka ho tony
ho tombotson'ireto zanany

Misy reny sahy milofo
sy manolotra ny ainy
sahy mandemy ny ao an-tsainy
Ho fitsinjovana ny farany

Misy reny tsy miteny
na esoina sy latsaina
tsy mba hita mitaraina
Be fitiavana amy fony

AORN
22 JONA 2025
--------