HATANORANA (AORN)

Ny hatanoràna razandriko zany
Dia tontolo kanto hisitràhana tsara
Fa eo no mitobaka sy sesilany
Ny aingam-pitia sy ny fo taratara

Ny hatanoràna kanefa mazàna
Mandringotra saina hampanao zay voarara
Etoana sendaotra ny fo tsy voatàna
Ka tojo hakiviana vao vaky barara

Ny hatanoràna rehefa sedraina
Dia azo fehezin’ny saina sy fo
Tsy mampitomany na mapitaraina
Satria ny ho tafita no atao ao an-doha

Ka raiso am-pitiavana ny hatanoràna
Mahaiza misaina mialoha ny hirosoana
Ny hafa tsy ho faly dia avela hikodàna
Ny ianao no alamino, tsy hirotorotoana

AORN
30 Septambra 2000
--------