HO TANY SAMBATRA (AORN)

Ray o! mba tahio ity tany maminay
Tany nolovana tamin'ny Razanay
Tany hifandimbiasan'ny taranakay

Ka ny olona ao vimbino sy tahio
Aza avela ho reraka fa mba tadidio
Mba omeo anjara izay sahaza anio

Aza ny otanay no ho tsarovanao
Fa zay helokay adinoy sy avelao
Fa ianao Mpamonjy no sady tsy mandao

Mba omeo mpitondra hendry sy matsilo
Ka hanondrotra avo hitana ny fanilo
Ka hiredareda hatrany izato jiro

Eo am-tananao ry Ray ny ho avinay
Ka tsinjovy izao ireo taranakay
Dia ho tany sambatra ity taninay

AORN
28 JONA 2017
--------