ORANA (AORN)

Injany fa midona ilay kotrom-pahavaratra
Dia maloka ny andro, manjombona aok’izany
Ka oram-be mikija no injao miraradraraka
Omban’ny ria-drano, mandonaka ny tany

Dia fahoriana sasaka, ho an’ny sendra izany
Fa tondra-drano foana, mamotika mandrava
Dia be ny rava-trano, tra-boina sesilany
Ny aina no manefa, ka fahoriana lava

Fa any atsimo any, miandry an-taona maro
Ny mba hisian’ny orana hamelona ny hay
Ny rivo-doza mihitsy no andrasana andalo
Fa io mitondra rano, manala ny ahiahy

AORN
12 JONA 2020
--------