RAFAHANTRANA (AORN)

Mazan-doha rafahantrana
ka mitetika hisisika
sy hamikitra maharitra
dia domboiny izany saiko
tsy hikaroka sy hitroatra
fa ho rendremana finaritra

Na ny ambom-poko aza
nojinjainy tsy hankitsitsy
mba tsy hiakatra ambony
ka ny tena teti-dratsiny
dia ny handreraka ny aiko
ho tsy afa-miarina intsony

Fa tsy izaho irery ihany
No tadiaviny ho lavoina
fa ireo malagasy an'hetsiny
Nampiasainy ireo vahiny
mba hanala sorisory
hankato izay hevi-petsiny

Maro ireo zay tafaroboka
ka manolotra ny tanany
maika handray reo fanampiana
ka tsy manan-tsaina intsony
mba hikaroka sy hitady
fa mandrevy sy variana

Saingy aoka ho tsorina eto
fa ny atao hoe fahantrana
dia tsy lahatra voadidy
fa ny isam-batan'olona
no manaiky na manda
ka samy tompon'ny safidy

AORN
08 AOGOSITRA 2020
--------