TEFEONAO (AORN)

Tefeonao izany foko, aza avela hankahala
Ampianaro hahay manaiky sy handefitra ihany koa
Aoreno ao anaty, tano mafy tsy hanala
Lay fitia tsy manam-petra… fa hikatsaka ny soa

Amboary izany saiko, mba hanaraka ‘zay mety
Ho Tolon-tsaina avy aminao, hanitsiana izany diako
Aza avela hivilivily, ka hanao zay hevi-petsy
Haminganana ny hafa, ho zary lasa fifaliako

Arindrao ny fikasako, mba ho amy tsara hatrany
Ka tsy hikatsaka intsony ny ho an’ny tena tsy hita faritra
Dia zarao ho an’ny hafa zay mety ho anjarako androany
Hisitrahany ihany koa, ny hasambarana maharitra

AORN
17 JOLAY 1997
--------