TSIARO FITIA (AORN)
(Nalaina tao amin'ny vetso.serasera.org)
Miserana ambony mitazanaToa aloka zary mandalo
Mamerina indray irony lasana
Ilay tsiaro fanao kalokalo
Fitia tsy mba zatra tambazana
Fa fo mifangia manan-tompo
Tsy tsako mialoha ny vazana
Fa hery miampita miloko
Dia mierina foana ny taona
Fa izy tsy miova, tsy miofo
Fitiavana lavitra saona
fa tiana malalan’ny foko
Inoako fa mbola hitohy
Tsy ho levon’ny fanadinoana
Ilay tempo fitia tsy mba foy
Ho embona tsarotsaroana
AORN _ 02 FEVRIER 2022
--------
Rohy:
Sokajy :
Fitiavana
Hevitra mandeha
rina15
(
10/03/2024 07:55)
mankasitraka an'Ikalamako
ikalamako
(
10/03/2024 15:16)
am-pifaliana foana moa e !
