Hatraiza Ny Fetra (Atonamia)

Mbola tsisy niantsa

Hangataka antsa
(Nalaina tao amin'ny vetso.serasera.org)
Hatraiza ny fetran'ny fiandrasana
Hanaovana sorona ny zava-drehetra
Sa ve hiandry andry fona hatrany an-pasana
Ka hiafy, hijaly etsetra etsetra?

Angamba hoy aho rariny kosa
Rehefa misy ny leo aseho mazava
Ny fitiavanao fotsiny atao miavosa
Mba ts'hisian' ny nenina ho anao lalandava

'Tsika rehetra dia miara-manaiky
Fa na lalim-paka ny fitia 'zay nekena
Rehefa mijaly ka mandany haiky
Dia aleo hidifiana fa tsy mety terena

Ho sarotra tokoa izany hanadino
Harary ny fo ny tomany tsy tana
Fa mahaiza mionona, mahaiza mino
Fa raha fitia hijaliana aleo hialana

Rehefa samy hijaly hitondra takaitra
Aleo hankelezina aleo foana aloha
Toy izay any aoriana vao tena ho taitra
Ho nenina hikiky hampamoifo
--------
Rohy:
Sokajy : Fiononana
1041 0
Hevitra mandeha
Zozoro ( 10/04/2009 18:30)
Tena marina izany!
Hametraka hevitra
Midira aloha
Momba ny tononkalo
Mpanoratra : Atonamia
Nampiditra : atonamia
Daty : 06/04/2009 19:08
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0148