MBOLA HO AN'I BAVY (Baraingo Valo)

Nantsain'i
(Nalaina tao amin'ny vetso.serasera.org)
Aza maimaika ny hamaly "Eny"
Raha misy tovolahy te hiaraka aminao.
Fa fantaro tsara aloha ny tanjona kendreny
Hoe tena tia tokoa ve sa fotsiny hilalao?

Koa raha ohatra hilalao dia tonga dia ilaozy
Sahia avy hatrany mamaly hoe "Tsia!"
Aza avela otazany ilay felan-draozy
Sy vonim-boahirana ao am-pon'indria!

...................................................................................
..................................................................................
Ny tovolahy mantsy akia dia tahak'izao:
Tokana ihany no mba faniriany,
Dia tsy inona akory fa ny hisarika anao
Haingana indrindra eny ambony fandriany.
Koa aoka ho mailo fandrao ho solafaka.
Na... Izay tianao e! Fa anatra ny ahy!
Dia mbĂ  hendry tsara! Mazotoa mivavaka
Mba tsy ho mora resin'ny fakam-panahy...

Baraingo Valo
--------
Rohy:
Sokajy : fananarana
604 1
Mpakafy: katrynah
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0137