FIANGAVIANA FARANY - dafa

FIANGAVIANA FARANY

Andro fahafito tsy nahitako anao izao ny andro androany
dia hiherina io rahampitso.
Fa anio ihany koa no alina fahafito handatsahako tomany
sy mbola hampitsonika ny vongan-dranomasoko.
O !! ny alahelo anao tsy tantiko....

Any ianao antratrany any,
fa izaho kosa eto sakaizana tomany.
Impiry nandondona tao an-tsaiko tao moa ny famohizam-po ?
Fa tsy novahako aloha.
Satria mbola manantena ny fiverenanao ny foko adaladala
mbola te hiantso anao malala ny molotro an-kiroa..

Adalanao tokoa e!!
izay angamba no hamitinana azy.
na hoe voasazy ny hitia anao antaranoana.??
Koa miverena ianao malala a!
Fa raha sanatria ka ho foana izao fanantenako izao
dia any ankoatra indray aho no hanohy hitia anao.

Dafa
16-02-2019
Bemasoandro Itaosy

Mombamomba

Mpanoratra : dafa

Nampiditra : kiala.andria
Daty : 18/02/2019
Mpamangy : 1054
Mankafy : 3

Tononkalo hafa

handriko
MAMPANDRY TANY HOE ?
HO AVY
Reny lafatra
ny teto.......
any izao ianao........
nandalo teto......
soraty re ry peniko
"Tsy hitia intsony"
"meloka ve aho?"