Reny lafatra - dafa

Azo vakiana?

Neny a!
vahotra ny vavako
voafatotra ny lelako
ka aleo ity rango-pohin'ny fanahiko
no hisolo ny tenako
hiarahaba anao.
Neny a!!
hafa loatra ianao
raha mbola vehivavy.
Ianao ilay sariaka lalandava
sy tia mivazivazy.
Tsy hita soritra eny amin'ny tava
ny hakivianao
na ny hadin-tsaina
izay mahazo anao.
Ianao ilay tsy mba mitaraina
amin'izay tana-miepaka
amin'ny famelomana anay............
Tsapanay izany!!!
Koa ianao aza manahy
fa tsy ho verivery maina
izao fikirizanao izao
fa mbola ho ody ventiny ny rano natsakaina
ao aoriana kely ao.
Ka hirehareha ianao
fa nahatafita zanaka..
Ary indrindra indrindra ho reharehanay
fa izahay no tena manana reny lafatra............
#Dafa (24/05/2018 à Bemasoandro Itaosy)

Mombamomba

Mpanoratra : dafa

Nampiditra : kiala.andria
Daty : 25/05/2018
Mpamangy : 1089
Mankafy : 2

Tononkalo hafa

handriko
MAMPANDRY TANY HOE ?
HO AVY
FIANGAVIANA FARANY
ny teto.......
any izao ianao........
nandalo teto......
soraty re ry peniko
"Tsy hitia intsony"
"meloka ve aho?"