TIAKO ANAO (Dayaz)

Na mbola lavitra ny tany himboana,
Na feno fandrika ny lalana,
Tsy kivy izaho, fa manantena,
Fa atsika aroe fo hiaraka.

Izay raha mety hisakana,
Hitsambokinana, hialana,
Na manintsy, na mafana,
Atsika aroe hifampitana.

Tsy ataoko kivy babanao,
Tsy halahelo i mamanao,
Fa ho hajaiko anao.
Ny rendrarendra ataoko adina,
Ny adalana ho fadiana,
Fotony, tiako anao, tiako anao.

Anao kakazo vao namelana,
Izaho taninandra vao nibiana,
Atsika aroe mitambatra,
Hanamia hafaliana.

Izaho tsy hitorono volabe,
Izaho tsy manana lasite,
Fa fitiavana amiako anao,
Hitondra raha vaovao.

Na safira gony aroe,
Volamenan’i Ambilobe,
Tsy atakaloko anao.
Ataoko reny erantany,
Anakoako an-danitra any,
Fa hoe: “Tiako anao! Tiako anao!”

Dayaz / M
--------