Fo mihira (Dox)

Nantsain'i ikalamako
(Nalaina tao amin'ny vetso.serasera.org)
Ny feon-kira tsara indrindra ?
Te-hihaino azy ianao ?
Henoy izy fa hirindra,
Ao anatin'ny fonao...

Ao anatin'ny fonao,
Tia ka mamelovelo...
Ao anatin'ny fonao,
Mahatsiahy ka malahelo...

Ao anatin'ny fonao,
Manina ny taninao,
Nilaozanao an-dakira...

Fa ao anatin'ny fonao,
N'inonino-sentosento,
Moa va tsy misy hira ?
--------
Rohy:
3712 1
Mpakafy: zok_ratah
Hametraka hevitra
Midira aloha
Momba ny tononkalo
Mpanoratra : Dox
Nampiditra : ikalamako
Daty : 31/08/2021 18:11
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0116