NANKAIZA? - Dox

Nankaiza ny olo-tety... no rindrina sisa mijoro?
Ny tafo mikipaka iray, ny rihana sy andry mikoro.
Raiketa sy ambiaty ary seva no sisa miandry tanàna.
Mangina ka mahalao monina... haolo tsy mahatamana.

Nankaiza ny olon-tety?... Ako no sisa manoina.
Fody no sisa mamaly... Aloka sisa antsoina!
Sorohitra mbamin-domohina no zary tompon-tanàna.
Nankaiza ny olon-tety?... lasa tsy nisy tamàna...

Ry sendra mamangy mitsera... Tsy aiza tsy aiza tsy akory:
Dongona izatsy jerena, ao ry zareo no matory...
Rakofan'ny vero sy antsoro...

Avoko homban-tsongosongo no 'reo hany mamelana.
Vorona sendra mipetraka no indro mivetso fitserana!
Tsy fantatra tsisy mpanoro...

Dox, NY HIRAKO.

Hametraka hevitra

Midira aloha

Mombamomba

Mpanoratra : Dox

Nampiditra : nirinamercia
Daty : 18/04/2020
Mpamangy : 436
Mankafy : 1

Tononkalo hafa

Izy mirahavavy
Fa fitiavako hianao
Rivotra aza aho...
Ao....
Misy
Teo amin'ny valsa
ASA IZANY...
Asa Izany
Indro...
Tafatoetra