PAISO - Dox

PAISO



Tafatsiry indray ny maitso
Eto an-tokontaninay,
Rako-pelana ny paiso
Mavokely rano iray


Tafafoha maraina aho
Hifoka izato rivo-manitra
Eny an’elanelan-taho
Manga ery ny volon-danitra


Eny ambony rantsan-kazo
Indreny vorona mivazo
Am-panaovana ny akany…


Toa hisy azy fatratra
Ny lohataona vao misantatra
Any ambanivohitra any !



DOX

Hevitra mandeha

Nayssa (29/11/2006 19:16:09)

Tsaroako fa io no tonkalo nianarako voalohany tamin'izao vao niditra nianatra

ledada (12/08/2007 14:09:09)

tsiajerinay t@ taona fahatelo io, tao @ EPP Antsahabe, 22 taona lasa izay....

ikalamako (09/09/2007 23:47:45)

tsaroana ny teny ambony dabilio, sady mora hay be izy io an !

aer0jhony (29/08/2016 14:31:15)

tamizay nianatra anio tonokalo io tamin'ny kilasy fah 3 ten amn CEG de tsy nahay ny heviny mintsy,,kay afaka 4 taona taty aorina niverin tan amn kilas famaranana zai vao nazava ny tian'i mpanoratra ambara.Inona ary izany?? Ny fanantenana mitsiry indray ao ampony mpiray tanindrazana noho ny fahazoan-tsika fahaleovantena.

Hametraka hevitra

Midira aloha

Mombamomba

Mpanoratra : Dox

Nampiditra : Ikalamira
Daty : 19/08/2005
Mpamangy : 12348
Mankafy : 4

Tononkalo hafa

Andriambavin'ny fitia
Endrika
NANKAIZA?
Izy mirahavavy
Fa fitiavako hianao
Rivotra aza aho...
Ao....
Misy
Teo amin'ny valsa
ASA IZANY...