Tafatoetra - Dox

Tafatoetra

Tafatoetra ao am-poko miaraka aminao androany,
Ny hasambara-nokatsahiko hiononako eto an-tany!
Ny hatsaran-tarehy nohiraiko sy ny bika nokatsahiko
Tsy alaiko noho izay hitako aminao navahiko ...

Sodokan'eritreritra aho izay elabe izay ...
Hetahetan'ny tanteraka, afo mampiolomay
No nandoro ny fisainako! 'zay nenjehiko kanefa
Moa tsy volavolam-bika tsy haharitra rehefa?

Fa ny hitako aminao dia ny vatosoa miafina;
Perla mamirapiratra, satry foana hotarafina
Fa mampita hazavana mampionona fanahy ...

Tia ny endrikao aho, mamkamamy anao tanteraka;
Nefa mbola ambony lavitra, manan-kery haninteraka
Ny fanahy atolotrao hiara-tsambatra amin'ny ahy!

DOX

Hevitra mandeha

lapino (30/08/2006 15:56:28)

Raha tsy diso aho, toa Perla no anaran'ny vadin-drazoky
Tsara ilay tononkalo ka! :)

Kiala.andria (26/12/2017 19:06:59)

Mankasitraka

Hametraka hevitra

Midira aloha

Mombamomba

Mpanoratra : Dox

Nampiditra : pissoa
Daty : 07/07/2006
Mpamangy : 9810
Mankafy : 5

Tononkalo hafa

Fa fitiavako hianao
Rivotra aza aho...
Ao....
Misy
Teo amin'ny valsa
ANTSO
MAHERY ILAY ZVT MIAFINA AO ANATY AO
ASA IZANY...
Asa Izany
Indro...