Izy (fitiavana)
Mbola tsisy niantsa
(Nalaina tao amin'ny vetso.serasera.org)
Izy Izy ilay tovo , notiavinao mangina
Naka toerana , lehibe ao an-tsainao ao
Izy , fototry ny adiady sy ny fahoriana
Nanery ahy handao , eny ...handao anao !!
Izy ilay nandrava voadin-tsika roa
Mihindrana izy hoy ianao fa tsy tompony akory
Izy , norobainy ,nangalariny avokoa
Ny fahasambaran-tsika , fitiavantsika izay natory
Izy vao miantso dia valianao haingana
Tongavanao n'aizan'aiza misy azy
Izy ilay lainganao , fifalianao mivaingana
Hay tena matotra , tena tia ianao fa tsy vazivazy !
Izy ,izy ve nanome misimisy kokoa noho izaho ?
Fitiavana sy tambitamby nomeko anao hatramin'izay
Izy no nahatonga ahy nitaraina nitalaho
Mba hijanonanao anilako , hitambaran-tsika iray
Nefa ...izy no nandresy , nahay nanome
Izay notadiavinao tamiko fa tsy hitanao akory
Sa hananako izay ananany fa leo ianao ve ?
Izy no safidinao indray , navelanao ny foko ho ory !!
Izy , ny fifaliny ranomasoko
Ianao lasa fahavaloko andray !
Izy ilay no ankasoko
Ny mariazin-tsika tsy ho mandrak'izay
Izy nahavita ahy nandao sy niala aminao
Ny lasan-tsika tantara efa vita indrisy
Teniko sy hafatro ho anao
Olona tahak'azy sy ianao tokony tsy hisy!!!
Fitiavana le 02/12/13 22h30mn
--------
Rohy:
Sokajy :
Fitiavana