TENIN-DRAZAKO (Harydi)

TENIN-DRAZAKO ....

Ho anao irery
ho anao ihany
ity tononkalo ity
tsy kanto tsara lahatra
na angola tsara tefy
entina manaingo
hitiavanao azy
....
Tononkalo tsotra
tsy mba manan-daza
aingam-bentsoventso
niserana ihany
Tonga tsy nantsoina
hitafana aminao
ka na hototofana aza
im- piton’ny mandifotra
dia mbola hosalorana
ny haja mendrika azy
...
Ianao ; ...
ry tenin-drazako
tokan’ny fitiavako
holalaina homamiana
tsy azoko ariana
ilay nahaizako nibada
niantso i Neny sy i Dada
ilay nahaizako namboraka
ny tao am-po adala
hany safononoka
omeko anao izao.


Harydi 25.01.05 - R27. 08. 01
--------