FEO FANAHY (HERININA)

Mbola tsisy niantsa

Hangataka antsa
(Nalaina tao amin'ny vetso.serasera.org)
Fanahy ianao
nandalo ny lalan'ny fiainako
nandalo ianao
nikalo ilay kanton'ny tarainako
nikalo ianao
nivetso ny nofin'ny fisainako
nivetso ianao
nitia ny soratra tsy laitrako

Feo ianao
namaky ny habaky ny lasako
namaky ianao
nitety ny ferin'ireo ratrako
nitety ianao
nitsabo ny rofy tato an-tratrako
nitsabo ianao
nanaiky ny antsoina hoe malalako

fanahy ianao dia feo
nahasambatra ny fiainako
feo ianao: fanahy
namafa ny tarainako
fanahy ianao: tsy sary
kanefa dia notiaviko
feo ianao: nanjary
talentan'ny ho aviko

HERININA
10 desambra 2012
--------
Rohy:
Sokajy : Fitiavana
965 1
Hametraka hevitra
Midira aloha
Momba ny tononkalo
Mpanoratra : HERININA
Nampiditra : herininatjh
Daty : 02/06/2016 07:29
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0101