BEDY (HOBIANA)
Mbola tsisy niantsa
(Nalaina tao amin'ny vetso.serasera.org)
Ny fodiako harivariva efa ho isan'andro izaosy ny fangalaran-dia mba hiarahana aminao
Nahabedy ahy tokoa!
Ny fahalasanan'ny vinany mandeha mikaroka ny anao
tsy nahavitako entimody sy izay tokony ho natao
Nahabedy ihany koa !
Ny vetso soratananao sy ireny taratasy ireny
'lay sarinao mba sendra adino eny ambony ondako eny
Nahabedy impiry moa ?
Ny hevi-petsy nampiasaiko ho tetika mba nanafenako
'reo kaikitry ny molotrao namariparitra ny tendako
Nahabedy avokoa !
...
Ianao...eny,ianao ihany raha atao indray mibango
no antony nahatonga izany ka saika hilaozako kinanjo
...Bedin'ny Fitiavako aho !
HOBIANA.
--------
Rohy:
Sokajy :
Fitiavana
Hevitra mandeha
raozigasy
(
20/10/2006 12:04)
Bedin’ny fitiavako aho
raha saika handao anao,
Bedin-dray sy reniko aho,
noho ny ditrako sy ianao
Mafy izany bedy izany,
Nefa raha samy ho bedy ihany,
Aleo izay tiako no hatao
Fa leo aho, bedy lava izao
Mandainga izay tsy nandalo teo e ! dia mahereza izay eo am-pandalovana e !
raha saika handao anao,
Bedin-dray sy reniko aho,
noho ny ditrako sy ianao
Mafy izany bedy izany,
Nefa raha samy ho bedy ihany,
Aleo izay tiako no hatao
Fa leo aho, bedy lava izao
Mandainga izay tsy nandalo teo e ! dia mahereza izay eo am-pandalovana e !
