MADAMA - HOBIANA

Azo vakiana?

                   Asa re Madama
raha sendrasendra ihany rehefa ianao mampianatra
                   fa tsinjoko mazàna
mifampiantefa foana ny masontsika mianaka

                   Ny fanadinana aza
efa indroa nisesy tsy nisy haiko akory
                   Nefa dia nahagaga
nanjary izaho indray no nahazo isa ambony
                     ...Dia faly ery i Neny
                     nandoka sy niteny
                     fa mianatra ny zanany

                   Ianao koa moa Madama
tato ho ato izay dia tena niova mihitsy
                   Ny andro tsy mafana
Ny akanjonao he nefa...mihafohy sy mihamanify

                   Vao mainka aho tsy mahay !
Ny lesona mandeha ,ny masoko any ihany
                   Sady izay indray
ilay dolam-bikanao no ataoko nofy mamy.
                     ...I Dada anefa any
                     manantena hatrany
                     fa mianatra ny zanany.

                   HOBIANA