Tsodrano (Imbitika Rambala)

Atolotra ireo zanaka zafikely niatrika, miatrika ary hiatrika fanadianana

TSO-DRANO

Hiatrika ady ialahy
Koa mivonôna am-pitoniana
Ny herintsaina aza ariana
Amin'ny tebiteby sy ny tahotra
Fandresena atao an-tsaina
Fa ny tso-drano no ampombaina

Hiatrika ady ialahy
Aza asiana tebiteby
Na inona na inona tsy nety
Dia foano ireny ankehitriny
Tsy misy fondro tsy misy tsiny
Ataovy an-tsaina ireo ezaka
Sy fihafiana efa betsaka
Ho tonga mamy ange ireny
Ireo i dada sy i neny
Tsy mitsahatra mivavaka
Koa mitokia tena anaka
Ary mandehana amin'izay
Fa mitsodrano izahay

Aza be ahiahy
Fa tianay foana ialahy

Imbitika Rambala - 15/09/18
--------