You are here: home > Vetso

Fa nankaiza - joseclaudio

Azo vakiana?

FA NANKAIZA

Fa nankaiza daholo ny olona ety?
No mangina sy moana ny tanàna, toa haolo.
Nankaiza, nankaiza fa toa tsy misy fitia.
Ka lasa drodroka sy boboka ny lovan'ny Ntaolo.

Fa nankaiza daholo ny Reny tetÿ?
No mitomany irery ao an-trano ireo zaza.
Nankaiza, nankaiza ... he mba modia!
Fa manina ravaka..., no leo tabataba.

Fa nankaiza daholo ny olo-matanjaka?
No ireo lava volo no mihady ny bainga.
Nankaiza hoy aho , sa lasa nisitaka?
Dia amin'ny oviana vao hipody an-tanàna?

Fa nankaiza daholo ny ala terÿ?
No ngazana foana ny ala antsinanana.
Nankaiza, nankaiza sa efa very?
Dia taiza ianareo no tsy nanao fiambenana?

Fa nankaiza daholo ny fifankatiavana?
No toa mifanohitra ny mpiara-belona.
Nankaiza, nankaiza fa hatramin'ny mpihavana...
No tsy mifampitsimbina, tsy misy mifamelona.

Nankaiza nankaiza ny zo maha-olona?
Fa toa voahosihosy ny satan'ny tany.
... He! tsy misy angamba hafa-tsy tolon'
Ambavaka ihany no ady amin'izany.

Ka nankaiza, ka hoaiza ary lasa aiza,
Rafifankatiavana, sy fihavanana.

Joseclaudio_ jolay 2015




Sokajy : Aingam-panahy

Hametraka hevitra

Midira aloha

Mombamomba

Mpanoratra : joseclaudio


Nampiditra : joseclaudio
Daty : 20/07/2015
Mpamangy : 825
Mankafy : 0

Tononkalo hafa

REHEFA
Mpivahiny
MADITRA MITOMANY
VOVOKA
IZANY
Amin'izany
HIAINGA KOA NY AINGAKO
NY MIAINA
SAONA
MISTERY