Misy (joseclaudio)

MISY


Misy olona any ho any,
Tsy manadino anao izany.
Misy alina ihany koa,
mampahatsiahy ireo taloha.

Misy olona any ho any,
Miandrandra anao foana.
Misy fitia ihany koa
Toa nanjary babangaona.

Misy olona any ho any,
Mivetso anao fatratra.
Misy feo ihany koa
Miantso anao hiakatra.

Misy olona any ho any,
Manantena anao hipody.
Misy tontolo ihany koa
Voatokana ho soa...

Misy olona any ho any,
Tsy manadino anao izany.
Ary misy fo ihany koa
Maniry mba ho roa !

Joseclaudio( Ny kalokaloko )
--------