29 MARS 1947 (Justin TAHIRISOA)

29 MARS 1947

Nafatratra toa charbon,
Tao anatin’ny wagon,
Avy eo narefotra ny basy,
Firifiry re no maty?

Tifitifitra tsy ankiato,
No indrao nanakoako,
Tao no niantso hoe: vonjeo!
Tsisy nihaino izany feo.

Fa ry vazaha sy sonegaly,
Vonona ny hampijaly,
Ny rà nandriaka tsy nohenoiny,
Efa vato re ny fony.

Amanaliny no lavo,
Tao anatin’ny iray andro,
Nanao sorona ny tena,
Niady ny fahaleovantena.

Ireo havan’izy ireny,
Gina tsy nahaloa teny,
Fa ny fo no nitomany,
Ny ao anaty no naharary.

Taona maro aty aoriana,
Ny tantara tsy mangina,
Ilay tolona fahiny,
Tsy voafafa ankehitriny.

TAHIRIsoa Just’1 (22/03/2016)
--------