You are here: home > Vetso

NY FOKO - Justin TAHIRISOA

Azo vakiana?

NY FOKO

Miavaka ity foko,
Fo miankoso vato,
Vato vatosoa,
Vatosoa voaloko,
Loko meva, kanto,
Kanto tena soa.

Tokan-tsarobidy,
Sarobidy lafo,
Lafo ‘nefa mora.
Mora tsy voavidy,
Tsy voavidy f’afo,
Afo miava-tsora.

Fo maraki-tsento,
Senton’ilay osa,
Osa oriory;
Ory ka mametso,
Vetso kely votsa,
Votsa ngolingoly.

© Justin TAHIRISOA,
MARTSA 2018

Sokajy : Aingam-panahy

Hametraka hevitra

Midira aloha