IO VOLANA IO (KOLESY)
Mbola tsisy niantsa
(Nalaina tao amin'ny vetso.serasera.org)
IO VOLANA IORaha mba azoko nafarana
Mantsy io volana io
Hamongatra indray ireo vetso efa antaranoana …
Angamba dia tsy hifarana
Io sari-soratro io
Raha tsy efa tamy indray ny tsinan-kateloana !
Rah’ masoandro mitomany
Na reno-torin’ny hazavàny
Matokia ianao, f’angamba misy ihany
Volana mazava koa tomaratra any ho any
Baliaka feno tsiky, no tsy mba manindao
Mitrebika ny rahona…hizaha ny endrikao.
Ny volana iny mantsy… raha afaka hitory
Hanao tantara vato ny fiainantsika ireto
Angamba… asa lahy, hifoha hamelovelo
Ny lasana efa mandrin’ny fotaka natory
Ary mety angamba na any koa na eto,
Hipongapongatra eny ireo tsiambaratelo…
KOLESY
--------
Rohy: