Moa tsy nino ? (KOLESY)

Mbola tsisy niantsa

Hangataka antsa
(Nalaina tao amin'ny vetso.serasera.org)
Dia tsy nino ve ianao, fa latsa-paka ilay fitiavany ?
Dia tsy nino ve ianao fa mby an-dakana ny tongony ?
Fony vao ianao no tazany
Gaoma hanova ny tantarany
Pitik’afo rambaramba hanotohoto ny forongony !

Dia tsy nino ve ianao, f’ ilay fitiavany iny, hono,
Hiafitra amin’ny finoana fa tsy kilalaonao ny fony
Ka hanaovan-dihim-bazaha, na tsikonom-boanatsindrana,
O ! izany “Fitia” ‘zany ? ‘ty sy ‘nday fa tsisy an-kindrana

Tena ianao tokoa tsy nino, mirepirepim-pahajambena
Fa ditsoky ny vovo-tany nilalaovanao irery
Nataonao ho tsindriandriana, ‘lay fitiany vonto mamy
Vohon-tanana madonda no nanosehanao ny lahatra

Dia tsy nino lahy ianao ! Fa amiko, ny volamena
Moa tsy handalo sedra va ? tsy ho ankambo velively
Kanjo indrisy ! … Sa, soa ihany ? …
Fitsapana kely monja, dia nandrendrika `lay zahatra

Iangaviako ianao mba hino, indraimaka fotsiny ihany
Fa ny atao hoe “tena tia”, dia mangidy misy mamy
Hita teo fa hay ny anao,
Tsy fitia fa … kilalao

SOLO
--------
Rohy:
917 0
Hametraka hevitra
Midira aloha
Momba ny tononkalo
Mpanoratra : KOLESY
Nampiditra : kalesy
Daty : 28/09/2013 15:32
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0117