DISO FIANTEFA (Mahalia❤✨)
Mbola tsisy niantsa
(Nalaina tao amin'ny vetso.serasera.org)
DISO FIANTEFA Noheveriko ho mba tena izy ilay fitia natolony ahy
hay lemy paika tsara drafitra namatorany ny foko fotsiny
Izaho moa tena tia ka dia natoky tsy nanahy
saingy ny azy sarisary fa tsy izaho no tena tompony
(raha ny ao am-pony no haboraka)
Angamba vakiraoka nataony hanjaran-tena
na fotsiny toa "avana" niriany hanaingo ny habakabany
Fa teto dia nazava ny mena ambany mena
f'efa olon-kafa mihitsy no nandroba ny fitiavany
(f'izaho no te hiantoraka)
(...)
Ry foko kely saina...impiry ianao bedesina
impiry koa nomena lesona hahaizanao mamindra
fa eza-bery maina ...izao ianao rafesiny
dia vonton'ny tomany,kanefa ianao indrindra...
(ilay tokony ho sambatra fa tsy mendrika an' izany)
Mahalia❤️✨
14122022
--------
Rohy:
Mpakafy:
francillon - Djess
