FITIAVANTENA SA HAMBOM-PO (Mahefa72)
Mbola tsisy niantsa
(Nalaina tao amin'ny vetso.serasera.org)
FITIAVANTENA SA HAMBOM-POAsa raha mba nosaininao,
Maninona aho no mitondra tena toy izao?
Toa ilay hambom-po no hamafisina
ka miteraka kizintina?
Sa fitiavan-tena no tiana aseho
ka mahatonga ahy tsy ahaloam-peo?
Tsy fantatro hoe nahoana
Tsy mbola tonga angamba 'lay fotoana?
Ahatsiarovanao saina
Sa ianao mihitsy no malaina?
Hisaina ny momba ahy amin'izao!
Zaho nefa tsy hitalaho aminao!
Miandry ihany aho hatramin'izao
Nefa toa tsy mba nosaininao
Ka aleo ny ho avy no hitsara
Sy haneho 'zay tiako hambara!
Lasa tsy manao veloma
Hono naman'ny tezitra
Oha-pitenenana fahagola
Saingy mbola mampihevitra
Ankehitriny hoe fa nahoana?
Sy mahatonga ahy ho moana
Tsy rarahiana ve no antony!
Sy ny hevitra afatony?
Tonga tsy miarahaba kosa
Hono naman'ny sosotra
mifono adin-tsaina miavosa
Izaho sa ianao no fositra?
Hangina aho tsy hisoka-bava
Ny ho avy no aoka hanazava
Fitiavan-tena sa Hambom-po?
Asa a! Tsy fantatro! Tsy fantatro 'zay ho voa!
Mahefa72 21 mai 2010
--------
Rohy:
Sokajy :
Eritreritra mandalo
Mpakafy:
fitiamirana - maeva74
Hevitra mandeha
mahefa72
(
21/05/2010 16:31)
Nisy Namana iray 'zay nifanena tamiko ka nahatonga ahy hanoratra io tononkalo io rehefa avy namborahany ny alahelony, Misaotra anao namaky
fitiamirana
(
21/05/2010 17:21)
kayyyy ! Hay kasihin'ilay aigam-panahy kao i Mahefa ? Faly mahafantara dia faly mamaky ihany koa no mankafy !Soa e !Tiako ny voasoratra ! Miandry ny manaraka !😊)
ni81
(
23/05/2010 07:11)
Misaotra nizara e! Dia miandry ny manaraka!
maeva74
(
26/05/2010 15:28)
Mankasitraka e!! Miandry ny mbola ho avy!!!!