ALINA IRAY (Mampikanto)
Mbola tsisy niantsa
(Nalaina tao amin'ny vetso.serasera.org)
ALINA IRAYNy tara-bolantsinana nandoaky ny alina
No namoaka ny tsiaroko ho any aminao,
Ilay hazavana hafakely sady sina,
No amborahako ny foko te-hitafa raha toa ka sitrakao
Ry voaly maintin’ny alina, tsy ahitako mangirana
Nahoana loatra no dia koboninao ny fony!
Izaho aty mijaly, manirery ato anaty fahanginana
Izy any zay, mandry tsy mahatsiaro ahy akory
O! zany foko! Te hiangavy anao ry kintana iray
Mba tsidiho zany fony … nefa aoka ihany lahy!
Toa te-hividy, te-hanakalo, te-hamboly fitia mivaivay
Nefa matahotra aho, … soa fa eritreritra ny ahy
Ny fikasako tao anaty, no indrisy tsy tontosa
Ny fibosesiky ny teny mamy tiako ambara aminao nefa,
O!indrisy ry fitiavako kanosa, nefa miavosa
Zary tsy misy dikany taminao, … ka tsy tana fa nilefa
Mampikanto 26/12/03 17h51
--------
Rohy:
Hevitra mandeha
andriary
(
30/12/2003 15:48)
Mandalo maimaika dia nahita ity .Ny lohateniny dia ampy manambara fa ianao mampikanto no mpanoratra.
mambabo fo
anoraty tonokalo aho.....
mambabo fo
anoraty tonokalo aho.....
mampikanto
(
31/12/2003 07:10)
Miarahaba anao!
Andry a! tsy nety nivoaka anie ilay aingam-panahiko e! miezaka aho fa tsy mety tafavoaka, mampalahelo ô!
Kanto
Andry a! tsy nety nivoaka anie ilay aingam-panahiko e! miezaka aho fa tsy mety tafavoaka, mampalahelo ô!
Kanto