Fahaleovan-tena (Mampionona)

Fahaleovan-tena

Dimapolo taona lasa izay
no nitomany i MADAGASIKARA
Niady mafy, niandrandra
nibadabada tamin'ny teny.
Toa nanangom-panafahana
ka nitolom-pandresena
namoy ny aina, latsa-drà
ireo mpitolom-pahaleovan-tena.

Dia nisosa teny ny taona
nisosa mora teny foana;
Nandalo sedra maromaro
toe-tsaina mifangaro.
Toa nivady ny rasa,
ka lasa maro ireo tsy an'asa?
noho ny fitiavan-tenan'ny hafa
kolotsaina samihafa.

Ankehitriny aiza h' aiza ?
ry Malagasy tia vao
toa mbola saritsarim-pahaleovan-tena
no iainana am'zao.
FAHALEOVAN-TENA, dradradradraina
tanisaina vao maraina
nefa maro ireo mitaraina
miady mafy ny anohanana
tsy manan'asa; tsy misy farany.
Raha halalinina ny saina
toa very kolotsaina,
raha jerena ny tenin-dreny
toa miisa telo ireny :
Malagasy, Frantsay, Anglisy
tsy vazaha, tsy gasy na metisy.

R.A.H (Mampionona)
--------