TSY AFA-BELA (MAZ RAMANA)

Tsy afa-bela!!!

Hitady an'iza hanatatao
ianao ry babo antanin'olona?
Hiandry an'iza hanafo rano
Izato tongon-tafintohina?

Andevo manan-tompo ianao
Harena, mbola hamidy
Tsy ahita fasan-drazana
fa hody ambavam-biby!

Mbola tsy hary akory ny haza
D'efa ianao no nokendrena
Notambazana hainga kely
Kanjo : ho faty nanantena!

Hanantena fo avy aiza
Ireto maso mierikerika?
Angaha tsy fantatrao angaha
F'ianao no kankana halentika?

Tsy afa-bela!!!


Anjaramalala RAMANAMANJATO
28/03/2022
15 : 19 HM
--------